?

Log in

No account? Create an account
Мир вам!
 
[Most Recent Entries] [Calendar View] [Friends View]

Thursday, December 17th, 2015

Time Event
10:54a
12:01p
09.12.2015. Сказка об играх с высокими ставками, из Скитского патерика.
"Слово о жене-блуднице и о старце". Выписка в рукописи 1880-х годов из Скитского патерика (УРФУ. Лаборатория археографических исследований. Собрание 17 (Вятка). Рукопись 109-р / 4230. Л. 3 об. - л. 4.)

Мнех един именит бе, живяше в нижних странах Египта, и бе в единой келии в пустей месте. И се по силе неприязненней слышавше жено блудницу о нем, и глагола юношам: "Что ми хощете дати, аз низложу мниха вашего?" Они же обещашася дати еи вещь. Она же отшедше вечер, прииидо к келии старца, яко блудящи толкнувши еи. Изыде старец, видев ю, смятеся, глагола ей: "Како семо прииде?" Она же плачющи щися, рече ему: "Заблудихся приидох семо!" Милосердовав же о ней старец, введе ю во двор свой, влез в келию и затворися. И се окаянная возопи, глаголющи: "Отче, зверие мя снедают!" Он же паки смутися и убояся суда божия, глаголаше: "Откуда прииде напасть сия!", отверз двери и введе ю внутрь келии, и абе начат распалятися к ней, он же разумев ьрань вражия глаголаше к себе: "Козни неприязненныя тьма суть, сын божий свет есть!", востав убо, вожже светильник свой, и разждьжизаем ся бываше похотию, и глаголаше, яко творящии таковая в муку входят: "Искуси себе зде сии, аще можеши понести огнь вечный!", и положи перст свой на свещнице, и сожже его, не чуяше горяща его, за премногое ражжение плоти. И тако творяше и до света. И сожже персты своя вся. Она же видящи, окаянная, яже творяще, от страха умре. Пришедше же утром юноши, глаголаху ко мниху: "Отче, прииде ли жена в нощь сию?" Он же рече им: "Се внутрь спит!" Оне же вшедша и обретоша ю мертву, и реша ему: "Отче, умре!" Тогда открыв руце свои, и показа им: "Се, что сотвори ми дщери неприязненная: погуби ми персты!" И поведа им бывшее, и глаголаше бо им: "Писано бо есть: не воздай зла за зло!", сотвори молитву и воскреси и, она же, отшедши, покаяся прочее живота сего.

Вот откуда протопоп Аввакум взял инструкции о том, как действовать!
Это не сказка о том, что житие аввакума фиктивно и литературно, нет.
Это сказка о том, насколько прикладной была литература для Аввакума.

<< Previous Day 2015/12/17
[Calendar]
Next Day >>
About LiveJournal.com